#WBO
WBO

MUDDE 02,2016) Gootichi Humna Addaa WBO Awaash Guyyaa Har’aa Mudde 02,2016 Tarkaanfii Cululuqaa Meeshaalee Interneeta Basaasu Mootummaan Wayyaanee Biyya Seensifataa Ture Irratti Fudhateen Daaraa Taasise.

Irree fi Gaachana ummata Oromoo kan ta’e WBOn, Humni Addaa Awaash har’a Mudde 02,2016 meeshaa Interneta, e-mailii, Facebook fi media hawaasaa kaan ummata Oromoo dabalatee ummatootni biyyattii ittiin fayyadaman ittiin basaasuuf mootummaan wayyaanee biyya Chaayinaa irraa bitee Jibuutii irraan galfataa ture Dawwallee irraa ka’ee osoo hin fagaatin haxxeen haleelee guutuutti barbadeessuun injifannoo cululuqaa qabsoo bilisummaa Oromoof galmeessee jira.

Konkolaataan kontineeraan meeshaa kana baatee deemaa ture lakkoobsi gabatee kontineerichaa ET 39081 fi ET 37013 oggaa ta’u, meeshaan barbadeeffame kun maallaqatti oggaa shallagamu gara birrii miliyoona 30 olii akka ta’us ibsameera.

Lammiiwwan Chaayinaa 3 fi konkolaachisaa tokko dabalatee namootni 4 konkolaataa kana waliin turan akka du’anis gabaafameera.

Gootichi Humna Addaa WBO Mudde 1,2016 Aashaa Dawwalleetti Ajajaa Komandpostii wayyaanee kan ta’e Ajajaa 100 Haayilee Abarraa jedhamu irratti tarkaanfii fudhateen ajjeesuun isaa ni yaadatama.

Sadaasa 30,2016 halkan keessaa sa’aa 4:30tti humna waraana wayyaanee Agaazii jedhamu kan Awaash irraa ka’ee gara kaampii Chaayinaa jedhamu deemaa ture haleeluun 13 yeroo ajjeesu, 20 ol ammoo madeessuun injifannoo boonsaa galmeessuun isaas kan yaadatamuu dha.

Advertisements