የደቡብ ምዕራብ ኢትዮጵያ ሕዝቦች ህብረት(ደምኢሕህ) መቋቋምን አስመልክቶ የወጣ መግለጫ

የደቡብ ምዕራብ ኢትዮጵያ ሕዝቦች ህብረት(ደምኢሕህ) መቋቋምን አስመልክቶ የወጣ መግለጫ

የደቡብ ምዕራብ ኢትዮጵያሕዝቦች በቀድሞ ካፋ ክፍለ ሀገርና በካፋ አስተዳደር አካባቢ የሚገኙ ሕዝቦችን ያጠቃልላል። ከክልሉ ነዋሪ ሕዝቦች ባሻገር በተለያዩ ወቅቶችና ምክንያቶች ለምሳሌ፥በመኖርያ አካባቢ ምርጫ፣ በስራ፣ በሰፈራ ወዘተ መጥተው በአካባቢው ነዋሪ የሆኑ ኢትዮጵያዊያን ዜጎች ይገኛሉ።

ይህ አካባቢ በአንድ ወቅት እስከዛሬ ታሪክ ከምያወድሳቸው ጠንካራ ህዝቦችና መንግስታዊ ሥርዓት የተገነባና በሀብት የበለፀገ አካባቢ ነው።አካባቢው በምድርና በከርሰ ምድር ሃብት የታደለ ከመሆኑም በተጨማሪ በዓለም ላይ በጥብቅ ደን ማዕከልነት ተመዝግቦ የዓለምን የአየር ፀባይ በመቆጣጠር ረገድ ጉልህ ድርሻ ይዞ የሚገኝና፥ ለአገራችን ኢትዮጵያም ወሳኝ የምጣኔ ሃብት አውታር ሆኖ የዘለቀ ነው።ሕዝቦቹም ለሀገር አንድነትና ዳር ድንበር መከበር ሲሉ በርካታ መሥዋዕትነትን ሲከፍሉ የኖሩ ጀግና ሕዝቦች እንደሆኑ ታሪክ ይመሰክራል።

ይህ ሆኖም በኢትዮጵያ ሲፈራረቅ በመጣዉ የጨቋኝ ሥርዓት ምክንያት አንድም ቀን ሕዝቡ የራሱን ነፃ ዕድል ለመወሰንና በሀብቱም ሊጠቀም አልታደለም። አሁን ይባስ ብሎም የሕወሃት ስርዓት የራሱና የማንነቱ መገለጫ የሆነዉ ለም መሬትና የተፈጥሮ ሀብቱን ነጥቆ ሕዝቡን ወደ ድህነት ዉስጥ ከቶ ይገኛል። ለምን ብሎ ጥያቄ ለማንሳት የሞከረ ሁሉ እሥር ቤት ገብቷል፤ ተሰደዋል አልያም ተገድለዋል።

ለዘመናት የዘለቀዉ ይህ በደልና ግፍ ከእንግዲህ ወዲህ መቀጠል የለበትም። የሕብረተሰቡ ምሬት ጫፍ ደርሷል።የሀገሪቱዋ መላ ሕዝብም ለዴሞክራሲ፣ለፍትህ እና ለነፃነ ከፍተኛ መሥዋዕተነት በመክፈል ላይ ይገኛል።

መላዉ የደቡብ ምዕራብ ኢትዮጵያ ሕዝቦችም በተለያየ ጊዜ በተናጠል ሥርዓቱን ሲታገሉ ሰንብተዋል። አሁንም በመታገል ላይ ናቸዉ። ሆኖም ሕወሃት በተደራጀ መንገድ የሚፈፅመዉን ሀገራዊ በደል በተናጠል መታገል ጊዜ የሚፈጅ በመሆኑ አንድ ጠንካራ ፖለቲካዊ አደረጃጀት መፍጠርና ከሌሎች ወገኖች ጋር ይህንን በዝባዥና ኢሰብአዊ ሥርዓት መታገል አስፈላጊነቱን አምነን የደቡብ ምዕራብ ኢትዮጵያ ሕዝቦች ህብረትን ወይም ደምሕኢህን መሥርተናል።

ደምኢሕን የደቡብ ምዕራብ ሕዝቦችን በማስተባበር በሀገሪቱዋ በሚደረገዉ የደሞክራሲ ትግል ዉስጥ ሕዝቡ በተደራጀ መልክ የነቃ ተሳትፎ እንዲያደርግና መብቱን በማስከበር የሃብቱ ባለቤትና ተጠቃሚ እንዲሆን ጠንክሮ ሕዝቡን ያስተባብራል፣ያደረጃል ።ለዚህም ዓላማ ስኬት ከማንኛዉም ዓላማችንን ከሚደግፉ የኢትዮጵያ ቡድኖችና ድርጅቶች ጋር ተባብሮ ለመስራት ዝግጁ መሆናችንን ልንገልፅ እንወዳለን።

ፍትህ፣ነጻነት፣እኩልነት እና ዴሞክራሲ ለህዝቦቻችን!
የደቡብ ምዕራብ ኢትዮጵያ ሕዝቦች ህብረት አስተባባሪ ኮሚቴ
ጥር 2009 ሴሜን አሜሪካ

Read more DMEHH

Advertisements

2 thoughts on “የደቡብ ምዕራብ ኢትዮጵያ ሕዝቦች ህብረት(ደምኢሕህ) መቋቋምን አስመልክቶ የወጣ መግለጫ

Add yours

  1. Pingback: kafaforfreedom

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

Up ↑

%d bloggers like this: